कार्यक्रम जिल्लाहरु

ब्रोसरअझै बढी

भिडियोअझै बढी

श्रीराम सुवेदी
प्रवक्ता तथा कार्यक्रम महाशाखा प्रमुख
टेलिफोन : +९७७१-०१-४०३०७०० Ext: 272

» हस्तकला सामग्रीहरूको बजारीकरणले आयस्तर वृद्धि

श्रावण २९, २०७४
Market linkage of handicraft products lifts income level
गरीबी निवारण कोष ‘नेपालमा द्वन्द्व प्रभावितहरूका लागि बजार विकास’ परियोजनाले द्वन्द्व–प्रभावित क्षेत्रहरूमा विपन्न कालिगढहरूका लागि बजार सिर्जना गर्नमा केन्द्रित छ । परियोजनाले दक्ष कालिगढहरूलाई बजारसँग जोड्छ । यसले गर्दा गरीब कालिगढहरूको आयस्तर वृद्धि भई उनीहरूको जीवनस्तर सुध्रिनुका साथै नेपाली सम्पदासँग गाँसिएका परम्परागत सीपहरूको संरक्षणसमेत हुन्छ ।

म्याग्दीकी लीलादेवी पुनले एक वर्षको अन्तरालमै हस्तकला व्यवसायमा महत्वपूर्ण स्थान बनाउन सफल भएकी छिन् ।

कोषद्वारा सहायता प्राप्त नमूना ढाका उत्पादक समूहकी सक्रिय सदस्य पुनले ग्रामीण महिलाहरूको आयस्तर उकास्न हस्तकला सामग्रीहरूको प्रवद्र्धनमा प्रभावकारी काम गरिरहेकी छिन् ।

 

ढाका बुन्नेमा प्रायःजसो दुर्गम तथा पहाडी जिल्लाका महिलाहरू रहेका छन् । पुनका अनुसार, तीमध्ये धेरैजसो महिलाहरू बजारमा पहुँच नभएकोले बिचौलियाहरूको शोषणमा पर्ने गरेका छन् । उनी भन्छिन्, “ग्रामीण हस्तकला बजारको मागमा आधारित भई सामग्रीहरू उत्पादन, मूल्य निर्धारण र बजारीकरणको लागि कोेषले ग्रामीण महिलाहरूलाई गरेको सहायताले अवस्था फेरिएको छ ।”

 

कोषले ढाका उत्पादकहरूलाई व्यवसायिक तथा प्राविधिक सीप प्रदान गर्ने मात्र नभई कालिगढहरूलाई ‘उत्पादक समूह’ को रूपमा एकजुट पनि बनाएको छ, पुनको विचार छ । “कालिगढहरूले धेरै कच्चा पदार्थ किन्दा कम मोलमा प्राप्त गरी लागत घटाउन सकिने हुनाले उत्पादक समूहको निर्माण नै सामूहिक सशक्तीकरणका लागि महत्वपूर्ण चरण थियो । त्यही भएर हामी सस्तो भाउमा सामान दिएर बजारमा प्रतिस्पर्धा गर्न सक्छौँ”, पुनको भनाइ छ ।

 

अन्य प्रदर्शनीहरूका साथै गनिकोको सहयोगमा २०७३ असार ९ देखि १३ गतेसम्म काठमाडौँमा भएको चौधौँ हस्तकला व्यापार मेलामा पुनले पनि भाग लिएकी थिइन् ।

 

“प्रदर्शनीमा हामीले थुपै्र सामान प्रदर्शनी र बिक्री ग¥यौँ’’, उनले अनुभव सुनाउँछिन् । “प्रदर्शनीमा भाग लिएर हामीले उपभोक्ताहरूको रुचि र मागलाई बुझ्न पायौँ”, उनी भन्छिन्– त्यसकारण अब हामी प्रदर्शनी तथा मेलाहरूमा हाम्रा उत्पादनहरू प्रभावकारी किसिमले प्रदर्शन गर्न सक्नेभएका छौँ ।

 

गरीबी निवारण कोष ‘नेपालमा द्वन्द्व प्रभावितहरूका लागि बजार विकास’ परियोजनाले द्वन्द्व–प्रभावित क्षेत्रहरूमा विपन्न कालिगढहरूका लागि बजार सिर्जना गर्नमा केन्द्रित छ । परियोजनाले दक्ष कालिगढहरूलाई बजारसँग जोड्छ । यसले गर्दा गरीब कालिगढहरूको आयस्तर वृद्धि भई उनीहरूको जीवनस्तर सुध्रिनुका साथै नेपाली सम्पदासँग गाँसिएका परम्परागत सीपहरूको संरक्षणसमेत हुन्छ ।

 

यस परियोजनाअन्तर्गत कोषले उत्पादित सामग्रीहरूलाई डिजाइन र रङका आधारमा विविधीकरण गर्नेदेखि प्रतिस्पर्धात्मक मूल्य निर्धारण र नेपाल तथा विदेशका सम्भाव्य क्रेताहरूसँग स्थानीय कालिगढहरूलाई बजार सञ्जाल विकास गर्न सक्षम बनाउनेजस्ता विविध पक्षहरूमा तालिम प्रदान गर्दछ ।